南亭 (士丹頓街) (已結業)

之前行过南亭的门口，已经见到佢好有日本特色嘅装修，但系因为每次行过太多人排队，所以一直都未试，今日终于有机会。今晚试咗佢嘅二人餐。虽然系二人餐，但系食物嘅种类非常之多，包括：前菜、主菜、小食、甜品。首先，前菜系充满日本风味嘅冻豆腐，豆腐充满豆乳香味加埋木鱼干，令到豆腐嘅香味更加突出。至于主菜，有唔同嘅烧烤食物，例如：虾、鸡翼……因为实在太好食，连相都唔记得影，哈哈。至于甜品，系烧丸子，我本身钟意食冻食嘅甜品，虽然系热食嘅甜品，但系都好好食，尤其是冬天食就啱啱好。之后我仲加咗个烧饭团，饭团嘅表面有烧焦左嘅米饭，好似平时食开啲饭焦咁，好香脆，最紧要系啲紫菜冇淋晒，令人一试难忘。至于个环境，充满日本风味，虽然冇得去旅行，但系令我觉得好似去咗日本咁。绝对可以再去多次！ ！ ！最后值得一赞嘅系，本身二人餐系唔包冻乌冬，但系由于餐牌未更新，我叫咗冻乌冬。职员都好有礼貌地通知我，最后亦都俾咗个冻乌冬我。所以无论系用餐过程，食物质素，以致职员嘅服务态度，全部都系满分，值得推荐。