萬家廚房 (已結業)

店舖虽然细，但系店内气氛有浓厚日本居酒屋风味，亦都感受到老板对食物质素嘅要求。值得推介嘅有飞驒牛，阿古猪，两款肉都有浓浓嘅肉汁，肉质鲜嫩，配合埋自家制嘅酱汁更加提升肉嘅鲜味！仲有鳗鱼饭，超大条嘅鳗鱼，肉质嫩滑充满油香，个汁调较得啱啱好，唔会盖过鱼嘅味道！玉子烧更加系冇得弹，蛋味浓郁又滑溜溜！而蚝饭嘅水准亦相当高，鲜味十足！海鲜乌冬嘅海鲜亦都好新鲜，汤底好鲜甜，加多只滑蛋确实别有一番风味！前菜小食例如手羽好嫩滑，萤光鱿鱼刺身新鲜爽口，不妨一试！至于饮品方面，巨峰提子汁简直无得弹，果味浓郁，唔会净系得甜味。而万家清酒更加系值得推介，佢比起一般嘅清酒更加纯厚，易入口！其实一边叹前菜小食，一边等主菜上枱系好合乎逻辑，因为烹调食物需时，假如大家赶时间嘅话就冇谓去试喇！老板对烹饪系好有要求，所以真系睇唔过眼，见到有啲评语太吹毛求疵，鸡蛋里面挑骨头喇！既然要上菜快嘅话，我建议去大家X或者大快X算啦！万家厨房系居酒屋，唔系快餐店呀唔该！一间富有人情味，食材又高质，味道简直媲美日本当地师傅嘅手势！以地道日本食材嚟讲，价钱合理！老板友善亲切，又会讲解日本一啲地道风味嘅知识，呢间小店绝对值得各位亲身去试吓！