Hands-On Coffee (已結業)

旺角别致嘅Cafe，适合三五知己上来一聚，环境宁静，装饰富有时代感，就连服务人员都系年青人，顿时觉得充满活力。饮品方便，主要都系咖啡为主，没有花巧嘅饮品，但却有专业嘅水准。介绍下啲嘢食先，本来想叫个和牛汉堡，但系已经卖晒啦，真系有少少失望，唔紧要啦仲有豚肉汉堡，一样觉得出色，份量一啲都唔细，足足有两层嘅豚肉汉堡扒，入口包系热嘅，而且松软，酱汁唔会太多，所以唔会抢咗豚肉嘅香味，豚肉扎实有口感，而且唔会好似一般嘅快餐店咁簿切切，我个口都冇咁大，真系分开两层先食到啊。Nitro coffe估唔到可以系依度品尝到，氮气咖啡，唔会有多余糖或者奶，可以完完全全品受到咖啡真正嘅香气，入口香醇顺滑，完全可以回甘，适合要坐两三个钟可以慢慢品尝。黑松露野菌意粉，一上枱已经充满淡淡的黑松露香味，洋溢于空气中，值得意粉主角就梗系意粉啦，冇令我失望，唔会系𠮶啲浸左好耐嘅意粉，意粉咬落有口感，唔会好淋呢个系最重要嘅，黑松露嘅香气就梗系锦上添花啦。至于甜品，我哋叫咗蓝莓纽约芝士饼，唔会太甜，而且充满淡淡的芝士香味，入口幼滑，而且伴碟都唔差架，睇到厨师好有心思，净系见到个伴碟，都已经觉得充满诚意啦。