惠 (已結業)

平时食好嘢多数都系晚餐🍽，但因为疫情之下所以只有午餐🌞可以食，但估唔到午餐都可以食好西😋。今日就去咗湾仔一间日本餐厅🍱食厨师发板，午餐的确好抵食，$1000松少少就已经食到。而且环境相当唔错，去约会庆祝🎊都可以，非常够体面。咁我最欣赏嘅就系佢哋嘅刺身够新鲜，深海池鱼🐟有三片，肉质爽口弹牙🦷，配上一个酸酸地嘅汁，有啲似柚子醋，鱼味道超鲜甜👅。针鱼配上姜豉油，佢嘅油脂非常厚，色泽亮丽光鲜。真錭🐟寿司，呢一款嘅鱼嘅味道系超浓郁，鱼身会带有少少偏咸嘅味道。吞拿鱼酱油渍寿司，红红嘅吞拿鱼寿司，一眼望落就好吸引👀，加埋酱油渍，将啲鲜味带晒出嚟。