可可豬海南雞專門店 (寶榮大廈) (已結業)

收工唔想煮饭，决定叫份外卖海南鸡饭返屋企食。特色椰香海南鸡饭第一啖先试吓个饭，米饭偏软，充满椰香，一啲都唔油腻。除咗鸡翼嘅部份，其余嘅鸡肉全部都去哂骨，肉质好嫩滑，几唔错。配菜系木瓜沙律，都几fresh。食到一半，再落少少酱汁捞饭，别有一番风味。卤水牛展一款非常适合做外卖嘅小食，就算摊冻咗，味道都唔会走样。牛展卤得好入味，而且摆法好有心思，既可以食到原汁原味又可以食到浸满酱汁嘅牛展。加$18就可以饮到当日嘅特色食疗拿杯汤，汤嘅味道好浓郁，饮得出几足料。食完成餐饭最大嘅感觉，系唔会有种好油腻好Heavy嘅感觉，亦唔会成口味精好口干，唔落味精唔落太重调味料呢个位，真系做得好好，系好值得推介嘅海南鸡饭餐厅。