影片
更多
2012-09-10
2372 浏览
朋友寿宴终于排到期食啦!!! 今次揾咗西班牙菜... 原本打算去诺士佛台食, 点知打去Book位时先知间餐厅已经变咗日本菜... 最后转战La Tasca!!!朋友由12点几开始打电话打到3点几都未有人听... 我3:45pm心血来潮又试吓打去, 有人听㖞, 讲咗几句, D职员叫我讲英文, 结果比我Book到位㖞... 即刻Call番朋友先知佢早过我打咗去, 但系话Full咗啰... 呢单真系十大奇案一宗!!!查实我好惊自己听错咗, 好惊去到D职员同我讲原来我系Book唔到位嘅啰... 好彩, 最后都真系有留枱比我地... 原来间餐厅得几张枱o架咋, 好多人Walk-in都扑空...我地7点正去到, 正值Happy Hour (4-8PM), Sangria同Tapas都会平D...难得咁高兴, 一于饮番杯先!!!Traditional Sangria Tinta (1 Liter Jar)--餐厅用红酒加入自己嘅特制配方同埋新鲜苹果炮制而成嘅西班牙国酒「血红鸡尾酒」, 大家都一致认为好饮!!! 滴酒不沾嘅我都忍唔住凑吓热闹饮咗一杯, 好彩第二日唔使去睇医生啫... 唔知系咪酒精影响,
朋友由12点几开始打电话打到3点几都未有人听... 我3:45pm心血来潮又试吓打去, 有人听㖞, 讲咗几句, D职员叫我讲英文, 结果比我Book到位㖞... 即刻Call番朋友先知佢早过我打咗去, 但系话Full咗啰... 呢单真系十大奇案一宗!!!
查实我好惊自己听错咗, 好惊去到D职员同我讲原来我系Book唔到位嘅啰... 好彩, 最后都真系有留枱比我地... 原来间餐厅得几张枱o架咋, 好多人Walk-in都扑空...
我地7点正去到, 正值Happy Hour (4-8PM), Sangria同Tapas都会平D...
难得咁高兴, 一于饮番杯先!!!
Traditional Sangria Tinta (1 Liter Jar)--餐厅用红酒加入自己嘅特制配方同埋新鲜苹果炮制而成嘅西班牙国酒「血红鸡尾酒」, 大家都一致认为好饮!!! 滴酒不沾嘅我都忍唔住凑吓热闹饮咗一杯, 好彩第二日唔使去睇医生啫... 唔知系咪酒精影响, 大家吹水都吹得特别放... 餐厅方面又播放超大声嘅音乐, 咁我地几大声讲o野同丧笑都唔惊嘈到隔离枱啦...迟咗20分钟都未见人嘅朋友, Send Message话仲要迟多15分钟先到... 佢嘅好友今日破格准时出席, 大叫肚饿, 唯有叫住D Tapas(西班牙小菜)比佢食住先啦...
我比较少食西班牙菜, 所以好多字都唔识, Order前都要查吓字典先... 好鬼大乡里呀, 哈哈哈...
Serrano Ham and Melon--哈密瓜超甜呀!!! 不过D Ham一味得个咸字, 冇咩肉香...
Potato and Chorizo Tortilla--煎蛋饼好好味呀!!! 整多几旧o黎都食得落呀!!!
Serrano Ham w/ Crusty Tomato Bread--呢个Tapas都好味呀!!! 个包好脆, 加埋D蕃茄粒, 好清新呀!!!食完晒3个Tapas, 朋友都仲未见人, LaLa声叫D职员收走晒D碟扮冇事发生过啦, 哗咔咔咔...
食完一轮又再Order第2轮, 落完Order, 朋友终于都现身喇!!!
Mussels Vinaigrette--我觉得好好味㖞!!! 大大只青口上面铺满蕃茄粒洋葱粒青椒粒, 配埋白醋酱汁, 好清新, 食落开胃又醒神!!! 不过钻妈话青口冇咩青口味㖞... 又真嘅...
Beef Nachos--呢个芝士玉米片好好味㖞!!! 同平时食过果D唔同, 呢个玉米片暖暖地, 好脆口, 芝士都几香, 食到唔停得口, 我比个"赞"佢!!!
Lamb Ragout--呢个蔬菜炖羊肉都好正, 虽然好细碟!!! 羊肉好淋, 一D都唔酥... 配埋热辣辣脆Pop Pop嘅面包, 正!!!
Paella (Spanish Fried Rice with Sea Food)--呢个西班牙海鲜炒饭就麻麻地啦... D饭唔够湿, 干硬咗D, 香料味亦不足, 偏淡... 虾冇了走D黑蚊蚊嘅虾肠, D虾肉都唔弹牙...
Pata Crujiente (Crispy Pork Knuckle "Spanish Style" served with crust potato and white cabbage salad)--呢只西班牙烤猪手真系最晚最差嘅一味, 肉质比美干柴... 配菜薯蓉就几好食, 好香牛油味... 哗, D酸菜真系酸到打冷震, 不过听朋友指示将酸菜同猪手一齐放入口, 又即刻冇咁难食㖞真系...西班牙海鲜炒饭同烤猪手都好大碟, 服务员放低果阵都有少少比佢嘅Size吓窒... 不过最后我地都食得晒㖞... 真系食力"非凡", 哈哈哈... 埋单1200蚊实在超值!!!
餐厅入面嘅灯光极之昏暗, 加上门口2张枱不停煲烟, 我地又饮咗酒, D音乐又嘈到头都爆, 所以一食饱咗个人就开始晕吓晕吓...
有朋友赶住走, 大家一食饱就要散水...
一步出餐厅, 寒风澟澟, 即时成个人醒晒!!! 同2位朋友散步去永安Shoppong... 行完一阵成个人舒服晒... 餐厅入面真系太焗啦...
行到永安都闩门, 我地仲落西铁站饮o野继续吹水, 吹到11点几先散水, 好Crazy... 不过好Happy!!!
张贴
