新泰東南亞餐廳 (太子集團中心) (已結業)

如果喺尖沙咀想食泰国菜嘅话就可以试吓呢间，装修风格充满东南亚风情，用餐环境舒适，菜式种类包罗万有而且性价比高！✵猪肉碎生菜包✵泰国菜当然唔少得酸酸辣辣嘅生菜包作为头盘开胃菜，炒香嘅猪肉碎干身唔会太油腻，香中带辣，配搭埋爽脆新鲜嘅生菜一齐食口感丰富。✵ 烧猪颈肉 ✵食泰菜当然离不开点烧猪颈肉，呢度做到传统炭烤焦香嘅味道，肉质爽脆，蘸埋泰式酸辣汁真系perfect match!✵ 烧鳝 ✵平时泰式烧烤肉类就食得多，今次就试吓烧鳝，鳝串鲜美厚肉，经过烤香入口香脆，肉质干身但仍有鱼汁，肥美而不油腻。✵ 泰式炒花甲 ✵顾名思义就系泰式酸辣汁炒花甲，完全展现泰式调味精粹，花甲都非常新鲜多肉，但系个人都系更加钟意大排档炒花甲𠮶种风味。✵ 烧焗蒜蓉带子 ✵大大只肥美肉厚嘅带子，被炸到金黄色嘅炸蒜蓉包围住，鲜中带香，完全感受到炸蒜蓉嘅爱。✵ 飞天通菜 ✵你啲通菜有冇飞天炒我就唔知啦，但火候啱啱好，又唔会太油太黄，通菜好入味。