品曲奇 (利園二期) (已搬遷) 新店位置

※本文以用餐当日的环境、服务和食物质素为准，口味亦因人而异，文章只作参考之用。-第一次食到香港本土新品牌PIN的曲奇，剩系睇到新潮包装已经别有一番心思，厚实既硬卡纸盒，印上摩登既图案和颜色，仲有红色提袋，拎黎送礼绝对唔失礼！上网订购仲可以依喜好拼出最岩口味的曲奇礼盒！曲奇分别有八种口味，XO酱、七味粉、香辣虾米、葱油鸡、红枣、提子花旗参、陈皮子姜和杏脯迷迭香。都系充满香港特色既口味，外面较少见到既味道，有一定既吸引力。杂锦口味 $208香辣虾味曲奇 $228包装盒像小柜子般拉开来，里面分别有8款口味的曲加（每款口味有三片），每片独立包装，干净企理，可以先小试牛刀，睇下边款最岩口味！葱油鸡口味系令我最期待，曲奇食落酥香，香葱既味道颇突出，有惊喜；香辣虾米，真系有只虾米仔系曲奇上面增加香气，加上入口微辣既味道，很惹味又不会很辣；陈皮子姜食食下，都会隐约有种甘甘的姜味渗透出黎，怕姜既人食都无问题；而红枣同杏脯迷迭香，系甜甜的口味，仲会食到干果肉，好食。