影片
更多
2020-12-15
279 浏览
疫情蔓延下晚巿禁止堂食，不过香港人能屈能伸，食唔到圣诞晚餐食午餐一样无问题。 要食得开心满足梗系要食放题啦，不过今次唔系日式放题亦唔系烧肉边炉放题，而系充满特色嘅西班牙Tapas放题。OM Tapas喺尖沙咀棉登径街口，一望就望到，圣诞期间有FESTIVE all-you-can-eat brunch，$358/位任食Tapas加一款Main dish。我哋两个人食，Tapas就分两碟上菜，「战斗力」有限嘅可以叫佢只上一碟先，咁就可以留力试多几款，啱食就再encore~【Sweet pea apple salad】个沙律酱几特别，酸酸甜甜有少少似乳酪，荷兰豆同青苹果都好清爽，用嚟做头盘啱晒~【Caramelised Cauliflower】菜名叫Caramelised以为系焦糖椰菜花，但食落系好酸嘅酸甜味。【Crab cake】焗到皮脆，啖啖蟹肉，蘸蛋黄酱好滋味。【Pesto egg】热辣辣啱啱炸起嘅香脆薯条蘸青酱同埋流心蛋汁，充满清香同蛋香，虽然做法同材料都简单但相当好食。【Garlic shrimps】蒜片再加红辣椒，蒜香加刺激性嘅辣味，再加上爽弹嘅虾仁，香辣又惹味。【Aioli
OM Tapas喺尖沙咀棉登径街口，一望就望到，圣诞期间有FESTIVE all-you-can-eat brunch，$358/位任食Tapas加一款Main dish。
我哋两个人食，Tapas就分两碟上菜，「战斗力」有限嘅可以叫佢只上一碟先，咁就可以留力试多几款，啱食就再encore~
【Sweet pea apple salad】
个沙律酱几特别，酸酸甜甜有少少似乳酪，荷兰豆同青苹果都好清爽，用嚟做头盘啱晒~
【Caramelised Cauliflower】
菜名叫Caramelised以为系焦糖椰菜花，但食落系好酸嘅酸甜味。
【Crab cake】
焗到皮脆，啖啖蟹肉，蘸蛋黄酱好滋味。
【Pesto egg】
热辣辣啱啱炸起嘅香脆薯条蘸青酱同埋流心蛋汁，充满清香同蛋香，虽然做法同材料都简单但相当好食。
【Garlic shrimps】
蒜片再加红辣椒，蒜香加刺激性嘅辣味，再加上爽弹嘅虾仁，香辣又惹味。
【Aioli Calamari】
鱿鱼烟韧爽弹，蘸大蒜蛋黄酱好开胃，食到停唔到口，要encore~
Main【Seafood Paella】
食西班牙菜点少得西班牙海鲜饭。海鲜有虾、青口同蛤，都好鲜味十足。饭粒有少少咬口，好香口好有西班牙风味。
Main【Piquillo cod brandada】
最初以为系鳕鱼，但揾极都揾唔到，唔通打咗成蓉﹖红椒入面系软滑口感嘅糊状物，几特别。
【Churro Bites】
炸到外面酥脆入面松软嘅西班牙油条，又温热又脆甜，如果有朱古力酱就perfect啦。
【Cream Catalan】
加泰隆尼亚式嘅炖蛋，之前上网睇过以为系类似crème brûlée嘅甜品，我哋仲以为系西班牙油条附有嘅sauce添，仲蘸咗嚟食，认真大乡里，不过又几match，哈哈。
张贴
