拉麵來 (已搬遷) 新店位置

行开旺角就知拉面铺都有唔少，听朋友讲话拉面来几好食就同朋友黎试下，殊不知又真系几好食。今日同朋友叫左一碗北海道花咲蟹蟹味噌鸡白汤拉面，原味豚骨拉面同埋自家制饺子。饮品就叫左绿茶可乐同埋苹果梳打。北海道花咲蟹蟹味噌鸡白汤拉面有惊喜，面有几件好多肉既蟹，肉质偏实，唔会散哂一pat咁。食落仲有蟹味，正。面仲有一只开边既溏心蛋同巨多既笋，如果唔食笋既你就记得同店员讲左先啦。之后豚骨拉面汤底浓郁，个人黎讲比较中意呢个。豚肉肥瘦均匀，食落仲有少少油香。不过呢碗本身无跟溏心蛋，如果想食就要同店员讲额外加啦。跟住讲下饺子，饺子配埋个酱汁酸酸地几开胃，入面系好多猪肉，唔系偷工减料落菜就算个类饺子。绿茶汽水未试过既话值得一试，第一次饮完之后系咁心挂挂想饮多次，绿茶配埋可乐原来咁夹。另外苹果梳打就无乜标青既地方，同平时大家饮开既都差唔多，呢款会偏多气少少。