影片
更多
2024-05-04
1276 浏览
🌻推荐指数：留香烤鸭半只︰8/10鸭架津白汤︰9.5/10韭黄炒鳝糊︰7/10干煸四季豆︰8/10服务：9/10环境：8.5/10整体评分：8.5/10人均消费︰$297 (已加一)星期六三人行晚餐食评︰1. 留香烤鸭半只 ($298)︰因为呢味系子鸭所以要留意份量比一般中菜馆卖嘅细，但肉同皮嘅比例上佳，笔者平时好惊食食吓填鸭剩番一大堆好肥嘅皮吞唔落肚唔知点清碟，但呢次完全无咁嘅问题，大部分皮底下都有一层肉。鸭肉浓郁嫩滑，食落口唔会柴。配菜酱料方面都有惊喜，除咗常见嘅京葱、甜酱同青瓜丝之外，仲提供山楂丝同牛油果酱。不过牛油果酱味道较淡，对整体味道升华无太大帮助。另外美中不足嘅系薄饼较厚同埋份量偏少，三个人要额外叫多一笼薄饼 ($38) 先够食。2. 鸭架津白汤 ($88)︰叫咗烤鸭嘅话一定唔可以错过呢味另加88蚊嘅鸭架津白汤！三个人分总共饮左超过六大碗！除咗豆腐同白菜之外仲有超份量嘅鸭肉！煲过汤嘅鸭肉依然非常淋，入口即化，完全唔柴。汤底亦唔油腻，有浓郁嘅鸭味喺口中缓缓散发，味道极佳！3. 韭黄炒鳝糊 ($188)︰酱汁调味刚刚好，上面一大堆蒜泥令味道更加香口，鳝糊亦都够淋，送饭一流，但
留香烤鸭半只︰8/10
鸭架津白汤︰9.5/10
韭黄炒鳝糊︰7/10
干煸四季豆︰8/10
服务：9/10
环境：8.5/10
整体评分：8.5/10
人均消费︰$297 (已加一)
星期六三人行晚餐食评︰
1. 留香烤鸭半只 ($298)︰因为呢味系子鸭所以要留意份量比一般中菜馆卖嘅细，但肉同皮嘅比例上佳，笔者平时好惊食食吓填鸭剩番一大堆好肥嘅皮吞唔落肚唔知点清碟，但呢次完全无咁嘅问题，大部分皮底下都有一层肉。鸭肉浓郁嫩滑，食落口唔会柴。配菜酱料方面都有惊喜，除咗常见嘅京葱、甜酱同青瓜丝之外，仲提供山楂丝同牛油果酱。不过牛油果酱味道较淡，对整体味道升华无太大帮助。另外美中不足嘅系薄饼较厚同埋份量偏少，三个人要额外叫多一笼薄饼 ($38) 先够食。
2. 鸭架津白汤 ($88)︰叫咗烤鸭嘅话一定唔可以错过呢味另加88蚊嘅鸭架津白汤！三个人分总共饮左超过六大碗！除咗豆腐同白菜之外仲有超份量嘅鸭肉！煲过汤嘅鸭肉依然非常淋，入口即化，完全唔柴。汤底亦唔油腻，有浓郁嘅鸭味喺口中缓缓散发，味道极佳！
3. 韭黄炒鳝糊 ($188)︰酱汁调味刚刚好，上面一大堆蒜泥令味道更加香口，鳝糊亦都够淋，送饭一流，但以188蚊黎讲鳝糊份量偏少。
4. 干煸四季豆 ($98)︰猪肉碎连同四季豆炒得几香口，少辣，四季豆上菜依然保持嫩绿，咬落去唔算多渣，份量足够。
题外话/补充资料：
侍应反应好快，次次举手无耐就有人过黎帮手，服务态度好，另外用手机叫左野食无耐厨房就上菜，有效率
(以上食记乃用户个人意见 , 并不代表OpenRice之观点。)
张贴