Little Vegas

营业中

休息中

Little Vegas 嘅餐厅同嘢食都好玩味非常有趣，真系好值得打卡㗎。一去到嘅时候气氛就好特别，佢用咗好多公仔做装饰，就好似置身于旧时嘅游戏厅里面，而每一张枱上面都会有一个汉堡嘅罐，打开咗之后里面装满咗糖果真系童趣十足。嘢食方面嘅命名都好有趣。我今次就叫咗一份汉堡同埋蚬肉意粉。汉堡嘅肉质好厚实，配料丰富。另外佢哋嘅配菜居然系炸薯角，而唔系炸薯条，对于我呢种薯角爱好者嚟讲，实在太幸福啦。蚬肉意粉就有小小辣，非常之惹味，好香又好食，而且蚬肉嘅份量好足够。我哋另外仲叫咗一份鸡翼三重奏，又可以拣三种唔同口味鸡翼。我当中就最钟意嘅麻辣味。饮品方面，我叫咗一杯水果茶，用住高脚杯嚟装，睇落去非常之高级。