土生花 (已結業)

想试呢间素食好耐，无奈身边个个都系「食肉兽」。难得有朋友想系呢度食生日饭，终于得偿所愿❤️。晚市可以散叫菜式，亦可以选择四/六/八道菜套餐，价钱498起。我地两个人都选择四道菜嘅set，然后单叫一份莲藕菇饼，再加一壶番茄红菜头茶。staff强烈推介pancake同栗子米糕，但食完套餐已经好饱，所以放弃😂首先要赞下环境同服务：装修好贴合主题，而且座位舒适，都算静，慢慢坐下食下嘢都系一种享受。每上一道菜staff都会介绍下道菜，几贴心。overall食物都好精致，细细份慢慢食原来都几饱肚。最钟意系栗子汤，菇冻，同莲藕饼。用最简单嘅食材，引出食材最「正」嘅味道。遗憾嘅系跟炒饭嘅大酱汤实在太咸..... 饮唔落； 同埋福袋入面有我唔钟意嘅荽茜。 虽然系咁，有机会我都会再来食。仲提下大家如果要来呢度庆祝生日之类，切饼费盛惠$200。但如果唔系度食佢地都可以帮你keep。