金鳳大餐廳 (山林道)

营业中

休息中

整间餐厅嘅装修都充满童年回忆，餐厅装修及布置都系怀旧茶餐厅嘅感觉。今日2个人的晚餐，叫左招牌菜，因为呢间餐厅牛扒系最出名，来到一定要试试，叫左「牛小排餐」，包餐汤、餐包、餐饮。牛小排系铁板上的，传统的牛形铁板，上枱后，职员才帮你倒汁，有黑椒汁或蒜蓉汁拣，因为铁板好热，食客必须要带著纸巾挡住d汁，防止弹到件衫。牛小排系厚切，大约有2-3cm厚，我拣左5成熟，牛扒真系做到5成熟，没有过熟。牛扒切开入面粉红色，但无血水出，食入口又滑又林，好正。2个餐分别拣左黑椒汁和蒜蓉汁，两个汁都试晒，黑椒第一点辣，有少少抢去牛扒嘅鲜味。而蒜蓉汁就刚刚好，重口味，呢个味道系充满童年回忆嘅。餐饮我加$12转左黑牛（可乐+雪糕），又系童年回忆嘅一部份。另外，都想试试牛扒以外的食物，所以叫左一份「是日晚餐：比目鱼柳配牛扒餐」，包餐汤、餐包、餐饮、沙律及甜品。牛扒跟招牌牛扒餐不同的，是薄切的，质感都是又林又滑，好好味；而比目鱼就一般般，原来有骨，不是想像中煎到脆脆的，没有什么调味，主要靠个酱汁大起佢嘅味道。总结来讲，食物嘅制作方法系非常好，好出色，价钱平民化，值得再来光顾。