Dan Ryan's Chicago Grill (海運大廈)

营业中

休息中

因为系海港城帮衬，送左几张coupon，食满200就可以减100，所以就book定呢间餐厅，初初见星期五book 都仲有位都有啲担心系餐厅啲嘢麻麻所以冇人，你知啦海港城假日一般间间餐厅都一早book爆同要排队，我哋book左星期日12点45分，去到都冇咩人未坐满，餐厅系一般美式餐厅装修（似芝士蛋糕工厂），不过呢间餐厅就比较多family 因为小朋友会送气球，气氛都唔错，我一早睇定OpenRice 好快已经拣好咗食咩，等左15分钟，头盘送面包篮，入面有3件，全部都好好味，特别系佢配个士多啤梨味嘅牛油真系好正，其中有一件系合桃蛋糕，好有诚意，之后好快主菜就送到，千层面同沙朗牛扒，真心要赞两个菜都好出色，个沙朗我哋叫7成熟，真系刚刚好，同食落有阵烟熏嘅味道，原条烧粟米超甜又爽口，薯条就脆脆哋不过一啲都唔油，千层面份量超大份，除左肉酱面同面之间仲有啲好浓嘅cheese,食一啖充满唔同口感，唔似平时某大薄饼公司果啲薯粉仲多过肉酱嘅千层面，绝对值得一试，埋单扣埋coupon 都系4百令蚊，服务都唔错，食到好满足