影片
更多
2019-06-03
168 浏览
喺观塘嘅工厦隐藏咗一个可以食自助餐嘅厨房， 个friend带路 今晚有机会可以去品尝。旧式工厦上一层楼梯就到。先行了一个圈， 感受到每一个角落都花尽心思想展示艺术品般嘅餐具，器皿。 看来餐具控，厨具控定必吃得 特别投入，忘我。这里晚市自助餐正做推广每位$238， 完全冇心理压力唔使惊 要食到回本。 这样一来可慢慢细意品尝每道菜式和摆设。 每两位更赠送一客精美海鲜拼盘。有海虾，青口，大大只鲜鲍鱼，大蚬， 鱿鱼， 够晒睇头， 对我嚟讲份量啱啱好。先试佢嘅汤有两款：杂菜汤和粟米汤。 两款嘅味道都非常怀旧经典， 粟米汤讲紧系快餐店年代嘅经典粟米汁， 有种童年嘅感觉。 蒜蓉包照住灯仲暖仲脆卜卜，正！去冷盘，沙律区望吓， 我哋比较早嚟所有嘢都排得整整齐齐， 斋睇都觉得好治愈～～这款薯仔什果沙律甜甜地， 薯仔软熟非常美味！青木瓜沙律，够酸够辣，面层仲有吞拿鱼肉。Cold cut 沙乐美肠, 够咸香唔会干‘争争’！芝士区： 个人很喜欢自助餐有这款芝士小食， 蓝芝士味道够浓！ 生果砌得好靓西瓜特别甜美多汁。食物Refill同收碟都非常有效率，抵赞！热莗区都keep住推出唔同款式美食。豉椒炒蚬够惹味。一盘
喺观塘嘅工厦隐藏咗一个可以食自助餐嘅厨房， 个friend带路 今晚有机会可以去品尝。
旧式工厦上一层楼梯就到。
先行了一个圈， 感受到每一个角落都花尽心思想展示艺术品般嘅餐具，器皿。 看来餐具控，厨具控定必吃得 特别投入，忘我。
这里晚市自助餐正做推广每位$238， 完全冇心理压力唔使惊 要食到回本。 这样一来可慢慢细意品尝每道菜式和摆设。 每两位更赠送一客精美海鲜拼盘。
有海虾，青口，大大只鲜鲍鱼，大蚬， 鱿鱼， 够晒睇头， 对我嚟讲份量啱啱好。
8 浏览
0 赞好
0 留言
先试佢嘅汤有两款：杂菜汤和粟米汤。 两款嘅味道都非常怀旧经典， 粟米汤讲紧系快餐店年代嘅经典粟米汁， 有种童年嘅感觉。 蒜蓉包照住灯仲暖仲脆卜卜，正！
去冷盘，沙律区望吓， 我哋比较早嚟所有嘢都排得整整齐齐， 斋睇都觉得好治愈～～
这款薯仔什果沙律甜甜地， 薯仔软熟非常美味！
青木瓜沙律，够酸够辣，面层仲有吞拿鱼肉。
Cold cut 沙乐美肠, 够咸香唔会干‘争争’！
芝士区： 个人很喜欢自助餐有这款芝士小食， 蓝芝士味道够浓！ 生果砌得好靓西瓜特别甜美多汁。
食物Refill同收碟都非常有效率，抵赞！
热莗区都keep住推出唔同款式美食。
豉椒炒蚬够惹味。
一盘盘热辣辣即炸美食， 虾春卷，炸糯米酿鸡翼， 这款手功菜非常推介，辣辣地 又有特色。
炸鸡和鱿鱼圈都唔错。
茄汁免治牛肉配白饭， 够晒经典！
鱼饼车厘茄串烧。 一串可以两人分享， 因有三大块鱼饼。 不过唔似系烧出嚟嘅，烚熟咗再串起。 加返沙爹汁 会似反串烧。
这里全都是猪类别， 猪肉肠，猪柳，咸猪手和猪仔骨。 大堆头嘅做法当然唔可以和高级餐厅比较。 不过食落都唔太差， 有香草和大蒜煮制。
这款意粉味道唔错， 忘记了好像是龙虾汁海鲜意粉。
菠萝炒饭够软熟，仲有粒粒菠萝和肉松。
三杯鸡和奶油津白。
另一边系牛嘅大集会 ，一牛仔骨牛肉粒和牛舌。 当中比较推介牛舌，够厚多汁唔会嚡。
饮品方面， 冻饮有荔枝梳打，蜜桃茶和柠檬茶。 可以自家添置鲜柠檬。
热饮有蝶豆花和菊花 可自己调配冲饮。
冲杯蓝色嘅蝶豆花 非常消滞。
甜品区仲有各款台式芋圆， 自行添加桂花蜜或者椰奶，风味独特。👍👍
仲有爆谷机和棉花糖机， 即做即食特别好玩美味。
留意到佢有大量嘅备用碟， 餐碟餐具仲好干净。 果然厉害嘅厨房。
芒果椰奶， 细细杯份量刚刚好。 椰青大菜糕， 好浓嘅椰青味！
柚子蛋糕味道清新。
感觉餐厅主人真系好想有一个超大嘅厨房与众同乐， 意念唔错而且食物摆设非常花心思！
张贴
