星願 居酒屋 (已結業)

我同朋友都劲钟意周围美食,今日就揾到一间唔错嘅餐厅,系充满住日本气息嘅居酒屋,居屋嘅位置距离地铁站非常之近,地铁站出闸其实就已经见到餐厅嘅大门,位于喺将军澳新都城中心地下,铺面面积唔算好大,但装修得你都好精致,摆放咗有好多同日本有关嘅摆设,座位主要都系放置多张既两人枱同埋卡位,坐落去地方都阔落,唔会话逼夹我哋叫咗个南蛮炸鸡拉面 $68 ,芝士蒲烧鳗鱼铁板饭 $88,惹味蒜香烧茄子. 南蛮炸鸡拉面顾名思义日本猪骨汤拉面会再配上南蛮炸鸡,汤底都充满著猪骨味,炸鸡香脆嫩滑唔错！芝士蒲烧鳗鱼铁板饭,佢嘅芝士部满晒喺个铁板上面,非常之多!算系呢度嘅特色小食之一,加上佢肥厚大件嘅鳗鱼,净系个卖相已经满分,味道食落去非常之鲜嫩甜味,配埋个芝士简直系绝配！