法國飯店

营业中

休息中

网上见到餐厅嘅每一道菜都摆到好似艺术品咁，非常吸引。闻名不如见面，所以叫老公特别揸车过嚟黄金海岸试试🤭黑松露野菌汤，好幼滑浓郁，用法包🥖点嚟食，好惹味！酥皮龙虾汤，浓郁鲜甜，龙虾🦞厚肉弹牙，又用黎点法包，超正👍🏻风干火腿蕃茄酱焗烧春鸡配红酒汁，风干火腿咸香味非常惹味，烧春鸡烧得刚刚好，表皮甘香脆卜卜，鸡肉肉质嫩滑多汁，配埋红酒汁，微微酸味，好开胃惹味😋炭烧西班牙黑豚鞍排，好香炭烧味道，感觉到火候好足够。黑豚鞍排肉质柔软，味道浓郁，表皮烧得干身，肉质能够锁住肉汁，咬落非常Juicy🤩今次叫老公揸车过嚟真系非常正确，每道菜都装饰到好似艺术品，真系好靓，嚟紧家庭聚会决定过嚟呢度再食😛