影片
更多
2023-05-16
86 浏览
好幾年次黎過ATUM 後對呢間餐廳嘅藝術風格念念不忘，是日假日，決定再次光臨，relax 下之餘順便食返餐好嘅。餐廳環境闊落，全店以黑白兩色為主調，配埋大玻璃佈置，可以欣賞到尖沙咀鬧市嘅景色，帶俾人好舒適嘅感覺，相當適合情侶聚會。食物方面，無論沙律、意粉、意大利飯、魚類、扒類、小食、甜品都有好多選擇。我地叫左一個小食，一份菜，一份risotto，一份主菜同兩杯飲品share 食。落單後，店員首先為我地送上麵包，有兩款選擇，分係法包及提子法包。值得一讚嘅係麵包係輕輕烘過，上檯時係暖暖地，口感剛剛好，唔會過硬。炸甜蕃薯薯條-檸檬蜜糖醬：由蕃薯炸成嘅薯條，上檯時熱辣辣，好香好甜，入口外脆內軟，配合埋檸檬蜜糖醬一齊食，無咩油膩感，好快就食晒。檸檬橄欖油，榛子，西蘭花苗：西蘭花苗軟硬適中，入口鮮嫩，配上檸檬橄欖油，食落酸酸地，幾開胃，配埋榛子食，極有口感，除此之外，份量都非常多，以$68來講，算係非常超值。火炙香蔥左口魚，魚白湯燉飯：呢度菜係店內嘅招牌菜之一，擺盤非常精美，令人見到就好開胃。左口魚經過火槍微微炙過後表面呈金黃色，魚肉食落相當鮮嫩，入口即化。燉飯用魚湯煮過後魚味亦相當濃郁，每一啖都
餐廳環境闊落，全店以黑白兩色為主調，配埋大玻璃佈置，可以欣賞到尖沙咀鬧市嘅景色，帶俾人好舒適嘅感覺，相當適合情侶聚會。
食物方面，無論沙律、意粉、意大利飯、魚類、扒類、小食、甜品都有好多選擇。
我地叫左一個小食，一份菜，一份risotto，一份主菜同兩杯飲品share 食。
落單後，店員首先為我地送上麵包，有兩款選擇，分係法包及提子法包。值得一讚嘅係麵包係輕輕烘過，上檯時係暖暖地，口感剛剛好，唔會過硬。
炸甜蕃薯薯條-檸檬蜜糖醬：
由蕃薯炸成嘅薯條，上檯時熱辣辣，好香好甜，入口外脆內軟，配合埋檸檬蜜糖醬一齊食，無咩油膩感，好快就食晒。
檸檬橄欖油，榛子，西蘭花苗：
西蘭花苗軟硬適中，入口鮮嫩，配上檸檬橄欖油，食落酸酸地，幾開胃，配埋榛子食，極有口感，除此之外，份量都非常多，以$68來講，算係非常超值。
火炙香蔥左口魚，魚白湯燉飯：呢度菜係店內嘅招牌菜之一，擺盤非常精美，令人見到就好開胃。
左口魚經過火槍微微炙過後表面呈金黃色，魚肉食落相當鮮嫩，入口即化。燉飯用魚湯煮過後魚味亦相當濃郁，每一啖都食到左口魚嘅魚香味，口感亦非常豐富。檸檬橄欖油三文魚，西班牙凍湯果凍，牛油果醬：
三文魚顏色鮮艷，利用慢煮呢個方法令到魚質非常滑嫩，入口即溶，仲散發出淡淡嘅檸檬香氣，沾埋伴碟呈橙紅色嘅西班牙凍湯果凍仲可以衝擊味蕾，令整體層次感大大提昇。
Cappuccino／mocha：
食完飯後飲返杯既香滑又濃郁嘅咖啡，為我地嘅午餐劃上完美句號。
张贴
