CURATOR Art & Café (已結業)

之前都有經過見過呢間藝術Cafe，但次次都好多人排晒長龍，今次咁啱K11行完街，難得唔使等位，仲見到佢有新出嘅節日套餐，當慶祝一下。呢間結合藝術及飲食的咖啡店，可將任何畫作、圖案打印在飲品的忌廉泡上。餐廳仲擺有不少知名藝術家的作品，如草間彌生的《南瓜》、村上隆嘅《Dokodemo Door》等，充滿藝術氣息。我哋兩個人想食豪啲，嗌左兩個set 再加錢要藝術打印朱古力。和牛set :日本和牛西冷10oz 配日式黃瓜沙律及南瓜。另一款係波士頓龍蝦配沙律。餐湯係我南瓜湯，飲落去非常creamy, 仲食到粒粒南瓜。黃牛有10安士份量好多，我哋要咗七成熟，火力煮得恰到好處，入口即溶。龍蝦亦都大大嚿，夠新鮮，蝦肉彈牙。藝術打印朱古力，可以自選圖案，夠晒特別。我哋仲叫咗個小食炸洋蔥圈，新鮮炸起熱辣辣點上忌廉芝士醬。食大餐點可以冇甜品呢？我哋叫咗一份tiramisu ，一個pancake。10分推介tiramisu ，蛋糕好鬆軟，充滿空氣感，有少少咖啡味有驚喜。雖然價錢係唔算特別平，但勝在可以打卡營造特別驚喜。