伊太屋 (已結業)

放工黎到呢間日式意大利fusion餐廳，一入舖頭就已經比佢入面嘅裝修吸引住，睇得出係花左唔少心機。再加上食物太令人難忘，今次真係不得不留下人生第一個食評！講到食物方面，今次叫嘅都係佢地新出嘅菜色，最令人難忘就係呢個黃金邪惡軟殼蟹配香燒焦糖蘋果。平時都見過唔少配鹹蛋黃嘅野食，同時食得太多亦都會膩，但當帶有濃濃鹹蛋黃嘅炸軟殼蟹配上燒過嘅蘋果所帶出黎嘅酸味，岩岩好中和左當中嘅油膩感，而且兩者意外地夾。另外，難得黎到就要試埋呢個香燒海陸空驚喜寶盒喇，由佢被送上黎個下就睇得出同樣都係花左唔少心思。先係一個海洋風嘅木盒，然後入面就係呢道菜嘅主角，不管係打開前定打開後都可以打卡。最後，其實我地仲有叫其他野食同埋野飲，都係好好味同唔會伏。一個又可以打卡又食到好野食嘅餐廳點可以唔推！