Van Gogh SENSES (已結業)

虽然已经结业，但仍然好想为呢一间充满着艺术感嘅餐厅写啲最后嘅感受。用餐当日系我同男朋友嘅周年纪念，当时都系店员嘅口中听到月底结业嘅消息，有啲可惜但亦都庆幸能够把握最后尝试嘅机会。餐厅预先send咗Menu俾我哋，由于就嚟结业，所以套餐有七折嘅优惠。餐厅基本上统一上餐时间，同附近枱嘅客人同时享用前菜主菜等。我哋点左The Harvest，食物质素当然高，尤其喜欢前菜：章鱼薄片配沙律菜，系我第一次尝试嘅口感，好清新嘅口感，配埋旁边绿色嘅酱汁一流！呢个套餐感觉上好似系越食越惊喜，款式多不过每样嘅份量相对上少，味道正常未到非常特别。更令人惊艳嘅系喺呢一个咁有艺术嘅地方享用晚膳。餐盘印有梵高嘅名作，电子板上亦都播住梵高名作嘅slideshow。希望疫情过后会有更多呢一种艺术型嘅餐厅啦！