醉胡爐 (已搬遷) 新店位置

椰子鸡锅好多地方都食过，但今次呢个系最有视觉效果！鸡窝拎上嚟之后，先落啲酒炒吓，之后再点火之后再加椰青水，再煮一阵！一碗好饮嘅鸡汤就出现咗！饮啖汤、食件鸡先开始打边炉打边炉梗系要食牛肉啦，大份嘅安格斯肥牛分量十足，牛肉香滑美味，都算几抵食！西班牙豚肉系必食推介，味道突出；餐厅切得算系几厚身，食起上嚟更加有质感！紫菜响铃我哋都好钟意，浸咗落汤之后吸晒汤嘅精华，好正一份得六件唔够食炸支竹都系好味，又系可以吸到汤嘅味道！呢度有自家制嘅饮品，青柠梳打酸酸甜甜，几开胃！临走嘅时候见到师傅喺度切紧刺身 下次真系要试吓。