十常八九

营业中

休息中

有缘到访人气日系甜品店，唔少评价都话要等好耐或者到访时店主没有营业。今次都唔知系好事定坏事，黎到唔驶等兼包场，疫情下只得我哋一枱，食得安心，但同时又反映小店既经营困难。而呢间小店，坐位真系唔多，两张日式榻榻米加埋长椅两张枱，实际得可容纳4枱客。坐系长枱望住成间小店，扮下去咗日本都好。小店主打甜品，如果钟意栗子蛋糕，一定要试人气和栗蒙布朗，满满栗子蓉系即叫即刻系柜台部机压出嚟，口感顺滑线密配埋蛋白脆饼加云呢拿雪糕，真心要赞个栗子蓉唔会好腻同死甜，好香既栗子清甜味道。另外叫咗十常吐司，用店名即吐司，其实系变奏版西多士，不过我觉得系滑蛋多士，厚厚的软绵绵既蛋夹住面包配蜜糖同忌廉，好食不过餐牌讲明需时25分钟，要有耐性等。饮品都有好多选择，除咗一般见到既抺茶鲜奶之外，佢有玄米抺茶鲜奶，啖啖玄米茶香加上抺茶，味道有层次，另外试左菠萝热情果流打。不过真心要赞佢个menu，手绘图案与实物相符，非常有诚意嘅小店。