利豐打冷小廚

营业中

休息中

喺黄大仙做完嘢顺便揾嘢食见到仲有怀旧冬菇亭大排档实在买少见少 大排档绝对唔系麻甩佬嘅专利 今晚一个人的浪漫~ 坐低先奉上一壶热茶. 潮州打冷梗系唔少得潮州卤味. 虽然好想食 但一个人真系食唔得几多 好在有炒粉面 于是叫咗个 炒贵刁. 望落其实似星洲炒米嘅河粉版. 好有镬气 份量相当大 一个女仔雀仔胃 食到一半已经要投降. 见到都系做街坊生意多 食客有唔少认识睇舖三兄妹 仲话由细睇到佢哋大. 喺呢啲地方食嘅 除咗镬气 仲有一份浓浓嘅人情味同童年回忆.