六小館

是日系东涌收工，相约同事一齐去食晚饭。时间尚早，系东荟城行左一阵，到6点钟准时入座食晚饭🤤。由于风水地系餐厅一开门就入座，可以自由选择想坐既位置，我地选择坐近窗边既位置，可以一路食饭一路欣赏日落，十分赏心悦目，令人心情悦快，饭都食多2啖。😜南瓜嫰鸡九层塔 $158 ❤️南瓜用上日本既贝贝南瓜，可以连皮食，唔算好甜但特别粉糯，非常适合用来炒菜，无骨鸡肉十分嫰滑，加埋九层塔独有既香叶气味，层次感十足，最重要系炒得有镬气！食到停唔到口，如果份量多返小小就更好。🤤锅烧滴漏鸡油鲜野菌烩饭 $188 ❤️外表虽然唔吸引，好似平平无奇咁，但入口令人赞叹不已。烩饭粒粒分明，充满鸡油香，加埋野菌既甜，食落一d都唔油腻，个锅烧得够热，锅边既米粒带有微微焦香，更添香气。真系好好食😋🤗！干窝本地新鲜牛三宝 $228 ❤️有睇开我既朋友都知道我对干锅料理情有独钟，而六小馆既干锅更有平时比较少见既材料供应。牛三宝包括鲜牛肉，金钱肚，鲜牛筋，全部都系本地新鲜货，食落软滑无渣充满牛香，雪藏货真系完全无得比😋。除有主材料外，仲有花椰菜，薯仔片，莲藕片，莴笋片，大大既一兜份量十足，而且唔会太辣，麻香味香口，食得过瘾，送饭一流。