而打淥滷汁拌粉 (青衣城2) (已結業)

真系好耐无飞，好挂住台湾嘅小食‼️台湾小食其实除咗盐酥鸡同珍珠奶茶🧋佢哋嘅卤水都好出色😋今次就同朋友去咗青衣嘅而打渌卤汁拌粉试吓。店舖主要做外卖，只有少量吧枱做堂食。餐厅嘅设计好特别，好似车仔档咁。因为想试多啲款式，我哋就每人散点左一啲加热卤味𩠌菜再配葱油卤汁拌粿条。粿条嘅质感有啲似上海面，几挂汁同弹牙👍🏻𩠌菜方面我哋点咗爽脆嘅卤莲藕片、够入味又软腍嘅古早卤大肠、烟韧嘅酱香鸡胗片、台式卤鸭血、台湾甜不辣、台湾大贡丸、猫耳朵、烟韧老豆干同卤汁杏鲍菇。佢哋嘅卤水汁除咗香料嘅味道仲带有甜味。下次可以试埋佢哋嘅凉拌同台式麻辣烫。