大喜屋 (已結業)

难得今日同同事一齐收工，梗系去铜锣湾大喜屋食放题啦，好耐冇食啦！入到去，原来呢都冇乜人食，所以环境几宁静，好适合倾计。一开始梗系嗌鱼生先呀，首先试咗三文鱼，入口即溶，又冻又新鲜，继续狂encore。之后就是纹甲鱿鱼，事关本人真系好钟意食鱿鱼，佢呢只鱿鱼虽然一条条好细条，但系真系好烟韧，嗌左好多条之后梗系试食海胆手卷啦，啲饭又小，海胆又新鲜，冇腥味入口即溶。之后就系海胆拖罗鱼生塔，海胆甜虾寿司，鹅肝伴带子，细细粒嘅花之恋，同埋黑松露油金鱼，呢个配搭真系好特别，黑松露酱系画龙点睛。跟住就系食炙烧芝士玉子，同埋大喜黄金蟹棒烧，呢两件都劲大件劲抵夹埋啲芝士真系一流。呢一叠系我成间餐厅最钟意食嘅嘢，就系烧三文鱼寿司，同埋海盐烧左口鱼边寿司啦！两旧都入口即溶，烧到溶左落d饭度，仲有好香既炭烧味！天妇罗都系重点项目之一，炸得好脆，矮瓜南瓜简直系超好味唔使讲个炸虾啦，一流。每次放题必食的芝士年糕。最后甜品项目，有牛乳拉动，焦糖布甸， Tiramisu，伯爵朱古力杯，全部都不过不失。