影片
更多
2024-08-21
276 浏览
屋企附近开左间新派素食餐厅，都试过早餐同午餐，今次试埋佢晚餐。好有惊喜。以前认识素食都系离不开食斋，菜式比较中式。而加都多左好多人食素，素食餐厅既种类就多元化左好多。😋素窝蛋免治牛肉煲仔饭 $168见到西式有煲仔饭好新奇，就叫黎试下。佢既饭系用意大利米，即系Risotto。素食当然唔会有肉啦，佢既肉系用红菜头, 大豆, 杂菌, 白露菇加五香粉自家制，如果唔系店员同我讲，真系食唔出系用哩d食材整出黎，口感同味道都好似免治牛肉。厨师真系有料到，要做到色香味同埋卖相似都真系应该花左唔少功夫。再配上特制酱汁沟埋一齐食，真系超好味。另外配上一粒卖相好似荔枝既果点，但其实系由紫薯,淮山,桂花蜜糖整成既，又系好新奇既配搭。仲有一碗好似南瓜汤既汤，但其实系甘笋粟子汤，无落奶的。一般全素都比较少用奶制食品或饮品。但饮落去又会有好滑同好香既味道。 😋玛格丽塔薄饼 $118同一般既玛格丽塔薄饼都系一样，有罗勒叶，蕃茄仔，相信芝士就会用无奶芝士做食材。但口感同味道都无乜大分别，薄饼底烘得刚好，好清新既感觉。另外配上一碗磨菇汤，当然都系无落奶，都好好味，同样都系好香滑。😋素炸鱼皮配咸蛋黄酱 $58卖相系扮炸鱼皮
😋素窝蛋免治牛肉煲仔饭 $168
见到西式有煲仔饭好新奇，就叫黎试下。佢既饭系用意大利米，即系Risotto。素食当然唔会有肉啦，佢既肉系用红菜头, 大豆, 杂菌, 白露菇加五香粉自家制，如果唔系店员同我讲，真系食唔出系用哩d食材整出黎，口感同味道都好似免治牛肉。厨师真系有料到，要做到色香味同埋卖相似都真系应该花左唔少功夫。再配上特制酱汁沟埋一齐食，真系超好味。
另外配上一粒卖相好似荔枝既果点，但其实系由紫薯,淮山,桂花蜜糖整成既，又系好新奇既配搭。
仲有一碗好似南瓜汤既汤，但其实系甘笋粟子汤，无落奶的。一般全素都比较少用奶制食品或饮品。但饮落去又会有好滑同好香既味道。
😋玛格丽塔薄饼 $118
同一般既玛格丽塔薄饼都系一样，有罗勒叶，蕃茄仔，相信芝士就会用无奶芝士做食材。但口感同味道都无乜大分别，薄饼底烘得刚好，好清新既感觉。
另外配上一碗磨菇汤，当然都系无落奶，都好好味，同样都系好香滑。
😋素炸鱼皮配咸蛋黄酱 $58
卖相系扮炸鱼皮，食材用到紫菜做出个形态真系同炸鱼皮一样。好松化酥脆。咸蛋黄酱系用腰果加蛋黄制成哩个酱汁，成件事真系以为自己点紧咸蛋黄酱食紧炸鱼皮。
😋纯素虾片 $58
虾片卖相系一样，当然唔可以有虾。厨师用到全甘笋做食材，真系完全估唔到，真系好惊喜。感觉食哩个虾片好健康咁。
😋燕麦香脆苹果金宝 $78
最后试埋佢既甜品，我都好钟意食哩款甜品。平时就会有红苹果肉粒，云呢拿雪糕。哩款素食甜品用到青苹果肉粒，配上燕麦云呢拿酱汁。味道同口感都好相似，好好味。
因为平时比较少食素食，都想了解多d。有位店员好用心解释晒每道菜用咩食材制成，成餐都充满惊喜。我对哩度既食物不论卖相或味道都评分好高。如果你地系素食者，极力推荐你地黎试下。如果好似我咁想感受下咁健康既分子料理餐都可以黎试下。
*食评纯粹个人口味意见
⭐️⭐️⭐️⭐️⭐️（5星为满）
Vegmind
西湾河鲤景湾太康街45号苏豪东B期地下GB18-20号舖
张贴
