影片
更多
2023-07-29
347 浏览
呢间位于显径嘅小店，地店绝对唔起眼，皆因佢置身于后巷。如果唔系附近街坊，可能真系需要花d时间揾。虽则地点有啲隐蔽，但食物却充满惊喜。当日点咗红酒炖牛肋肉同埋专登为佢而嚟嘅经典日式牛肉酱汁蛋包饭。两个主菜分别都有加钱升级至套餐，包前菜，汤同饮品。前菜同汤都系经典日式/日式西餐常见嘅东东，虽然冇乜惊喜，但水准正常。所以就令我更加期待主菜。先上菜嘅系牛肋肉，卖相唔差。见到厚厚浓浓嘅酱汁就二话不说即刻攞嚟送啖饭先。果然，质感好厚，味浓但唔会偏咸。牛肋肉炖得好腍，而且好入味。配菜嘅萝卜亦都一样，炖得正好，唔会太过火腍晒，但却充满住浓厚嘅酱汁，入晒味，正！接住嘅日式牛肉酱汁蛋包饭，卖相一流。店员端上枱时都要小心翼翼，惊唔小心整跌只望上去𠮶只好滑嘅蛋。蛋嘅火喉控制几好，蛋够滑！牛肉汁亦都系好浓厚，味道同蛋好夹。不过亦由于牛肉汁好浓厚嘅关系，食到咁上下会容易有饱腻嘅感觉。但总括然而都系好食嘅。整体嚟讲，食物ok。但以地理位置嚟讲，食物价钱定位有d进取。另外值得一提嘅系，店舖空间非常有限，大概只容纳到10个以内嘅堂食位置。我去当日系平日午市，撞彩有得直入。但之后都陆陆续续见到有人等位，甚或有顾客系订定位
当日点咗红酒炖牛肋肉同埋专登为佢而嚟嘅经典日式牛肉酱汁蛋包饭。两个主菜分别都有加钱升级至套餐，包前菜，汤同饮品。
前菜同汤都系经典日式/日式西餐常见嘅东东，虽然冇乜惊喜，但水准正常。所以就令我更加期待主菜。
先上菜嘅系牛肋肉，卖相唔差。见到厚厚浓浓嘅酱汁就二话不说即刻攞嚟送啖饭先。果然，质感好厚，味浓但唔会偏咸。牛肋肉炖得好腍，而且好入味。配菜嘅萝卜亦都一样，炖得正好，唔会太过火腍晒，但却充满住浓厚嘅酱汁，入晒味，正！
接住嘅日式牛肉酱汁蛋包饭，卖相一流。店员端上枱时都要小心翼翼，惊唔小心整跌只望上去𠮶只好滑嘅蛋。蛋嘅火喉控制几好，蛋够滑！牛肉汁亦都系好浓厚，味道同蛋好夹。不过亦由于牛肉汁好浓厚嘅关系，食到咁上下会容易有饱腻嘅感觉。但总括然而都系好食嘅。
整体嚟讲，食物ok。但以地理位置嚟讲，食物价钱定位有d进取。另外值得一提嘅系，店舖空间非常有限，大概只容纳到10个以内嘅堂食位置。我去当日系平日午市，撞彩有得直入。但之后都陆陆续续见到有人等位，甚或有顾客系订定位嚟食。所以如果想嚟一试，可能事先book定位稳阵d。
张贴