皇室甜品 (城南道)

营业中

休息中

喺屋企瞓唔着开电视嚟睇，睇睇下又觉得有啲肚饿啊，但系又唔系好肚饿，只系想食下野，于是又落街揾嘢食啦。😂行行吓经过呢间甜品舖，心思思就入咗去。不过因为得我自己一个，唔好意思坐低食，于是就打算外卖拎返屋企食。打开份Menu，见到其中一款甜品个名叫做「龙珠二世」，好似几得意咁，就想试吓啲新奇野啦。原来系由芒果粒、龙眼、西米露、爆珠、雪糕组成嘅甜品，食落去都唔错！同埋啲芒果一啲都唔酸，好甜。夹埋其他配料一齐食，口感十足！而且个雪糕系朱古力味雪糕，入面有啲朱古力粒粒，食落去真系超级好食！仲有最利害嘅一点就系，个雪糕拎到返屋企系仲未融架，可以系屋企舒舒服服咁食住呢个甜品，真系一件好开心嘅事。下次夜晚喺屋企肚饿又谂唔到食咩嘅时候，真系可以去呢间试吓，充满惊喜。