睿居酒屋 (已結業)

同朋友farewell想揾好野食，咁岩系eatigo app见到大坑既睿居酒屋有优惠就决定去呢间装修环境都有保证。因为今日中午落雨所以大坑街道难得地少人，门口既石小路同竹门都好有返到家乡既感觉。店面唔大坐到5-6枱人左右方便店员可以照顾到所有客人。虽然lunch menu非常抵食，有半价优惠既我地都系决定叫返单点叫晒自己钟意食既野。之前见到寿司menu既几款3贯都好吸引，我叫左吞拿鱼，火炙，北海三贯全部质素都一流，吞拿鱼就算系最普通既赤身都无平时既重铁腥味肉质又柔软非常唔错。可惜今日无晒军舰好想试一试佢既蟹肉蟹膏。朋友叫左特选刺身丼份量都好足同刺身被得好大方，有齐牡丹虾，赤身，大吞拿鱼腩，油甘鱼。之后再追加左海胆寿司，建议叫返日本海胆寿司味道比较好。我地2点左右黎到好多食材都卖晒，大家都可以早d黎或者打电话预留心水之选。食完寿司就到最爱既串烧！所有牛都系好好食好有幸福既味道，我地叫左烧牛舌同牛肉粒，份量比想像中多同埋外脆内软个火喉掌握得好好调味唔会过浓。另外再追加左白鳝外皮酥脆鱼肉嫩滑。见到其他枱既lunch set最后会再有摆得好精美既水果做甜品，下次一定会再黎试下！