三星台菜食堂 (已結業)

写食评之前要先讲讲揾食贴士:当日中午12:00，唔使等即刻有位。12:15开始有人龙，而且系keep 住有人龙，各位如果有兴趣平日中午试菜的朋友，记得早啲揾位啦！跟同事一行三人叫咗3个牛肉面，两个红烧，一个传统。点茶纸非常细心，可以选不同细项，例如走葱等。食辣的朋友记得加牛辣油，其实名为辣油，但只麻不辣，加入后更能带出汤的鲜味。牛肉好腍，而且好大件，同一般片装的不一样，汤唔太咸，唔觉有味精。美中不足嘅系，同事因为觉得汤太好味，想要个替玉，点知原来唔可以单点替玉的，𠮶吓有啲失望。希望可以考虑一下，加入呢项服务就好啦！有同事都叫咗温泉蛋，但系蛋黄唔够流心，亦唔太入味。所以呢除非你无温泉蛋唔开到饭，否则，可以留肚食其他小食。我地仲叫咗台式香肠，个香肠几好味，仲配埋蒜蓉，更加惹味。小店嚟讲，坐的地方算宽敞，但系冷气系统真系要改善一下，𠮶个风机吹到头都痛，成间铺最失色系呢到。