Isaac Toast (新城市廣場三期) (已結業)

Isaac Toast系韩国好出名嘅「景点」之一 (笑)， 出名到有国民早餐之称， 系宅兔去韩国嘅必食之选~ 虽然依家因为疫情封关无得出国， 但好在Isaac已经登陆香港， 直接去沙田就有得食！系韩国想买Isaac做早餐多数都大排长龙， 来到香港同样唔例外， 沙田Issac店面唔大， 如果用餐时间想堂食就要比少少耐性。Issac店员手脚非常快， 虽然唔及韩国阿朱妈嘅流水式独立作业咁熟练， 但都可见厨房内有唔少员工分工合作好快出到餐， 吐司包装得干净企理~ 就算外卖返屋企食都唔会散开晒。男友拣左香港限定口味超级吐司2.0， 成分吐司好「厚重」呀~ 超厚汉堡其实系植物肉(Impossible Meat)， 不但入口Juicy， 连外观口感味道都同牛肉相近， 简直几可乱真！ 除左超厚汉堡外仲加入左薯饼， 配搭烧烤酱加甜辣酱双重滋味， 味道层次好丰富！由顶部睇我嘅MVP超级虾吐司感觉更加大份~XD 个口细d就要拆开食啦！ 因为即点即做， 所以到手嘅吉列虾堡仍然保持脆身， 配搭新鲜菜丝同青瓜片既清新又多一重口感， 最爱微甜嘅蜜糖芥末酱非常开胃呀！