早安越南 (已結業)

今日同fd系天后附近做野，夜晚念住近近地天后搞点，上OpenRice 睇，见到附近有间越南餐厅评价好好，环境同食物都好似好精致咁，于是就决定去拜访下。本人十分喜爱越南菜，喜欢菜式虽然简单偏清淡，但味道可以十分出色有层次，而且感觉好健康！！入到餐厅，餐厅既装修好现代，充满pop art 既色彩，感觉年轻又轻松我同fd两人共点了三道菜加一个椰青饮品，等左一阵好快就上菜了，先系炸虾饼汤河，炸虾同汤河分开上，汤河大大碗比想像的分量多，炸虾饼大大块超好味！外脆内软一d都唔油腻另一道菜软壳蟹米纸卷亦都用上了真材实料，大大只软壳蟹，最钟意米纸卷带出的清新味道，清淡但又口感丰富，大爱！最后上枱既系咖喱鸡排煲，唔好讲笑，入面既鸡肉真系超级无敌多，食极都有！咖喱汁都好多，记得要配白饭食呀，超级开胃，咖喱带微辣，怕辣既人都完全无问题！鸡肉又好嫩滑，淡淡肉！呢道菜最好两个人share，因为真系会好饱，哈哈！餐厅质素远远高于预期，朋友都话系暂时食过最好食既越南餐厅，以后黎开天后一定要再捧场！