神戶屋日韓放題

营业中

休息中

新年前同闺蜜试完兆万中心9楼既极上帝王水产，超赞👍🏻今次就同闺蜜试埋佢既兄弟铺，楼下8楼既神户屋。神户屋主打日韩放题，一样系有各式刺身锅物，3小时任饮任食，绝对可以食唔停口，一样都系超赞👍🏻👍🏻有上次既经验，今次就早早订位，7点钟到达可以直接入座，唔需要等位。神户屋室内装修有满满既东瀛味道，感觉好似去左日本咁，可以解一解我既乡愁😜神户屋既服务好周到，我同闺蜜一坐低，当我地望住超过200款食物，仍在选择困难中未谂到如何选择时，小哥就已经送上每枱必送既生蚝刺身拼盘，满满既一大盘；新鲜既生蚝，各式刺身：有头赤虾，珍宝带子，鲍鱼，角螺，马刀贝，长脚蟹脚.............连泰式生虾都应有尽有，不能尽录。每款都超鲜甜，食到唔停得口。除左刺身拼盘外，每枱都可选择期间限定既锅物，有寿喜烧，麻辣鸡煲同海鲜蒸锅。今次我同闺蜜就选择左海鲜蒸锅，贪佢可以食蒸海鲜时亦可打边炉😋另外值得一赞系神户屋既小哥们真系好贴心，会细心留意枱面情况定时收走用过／食完既碗碟外，亦会不时放下干湿纸巾供使用。小哥们亦会同客人聊天，解决我同闺蜜既选择困难，介绍好多美食俾我地。见我地食完刺身拼盘有点腻，小哥仲特别安排左餐牌冇既