八幡屋日本料理 (已結業)

黎得兆万当然系去食放题啦，今日同朋友聚旧之前一直谂唔到食咩，上OPENRICE揾下旺角有咩食，就俾我见到八幡屋，记得之前食过D fd都话几好,冇异意之下我地就拣咗呢到喇!我地几个岩岩好可以坐系窗边卡位,有梳化坐之外又可以望埋个旺角街景各种刺身刺身绝对值得一赞，因为啲三文鱼都几肥美，感觉好新鲜好味，其实都真系好耐无食放题，感觉唔错。升级刺身升级刺身，可以任食生蚝、带子同甜虾等等，生蚝餐厅拌上酸汁,入口都算顺滑而且无咗阵腥味。而且生蚝仲可以任食添！而特大甜虾入口就好鲜甜，份量重够晒大！天妇罗你无睇错呢度嘅天妇罗真系卜卜脆够晒热架！而且又唔会太厚粉，特别系天妇罗虾肉质仲系弹牙架各种寿司寿司呢度真系都算多款式，重点推介海胆军舰！呢度可以任食，仲要每件寿司嘅海胆份量都唔小，食多几件就回晒本喇！烤牛舌餐厅有提供唔少嘅烧物，特别系牛舌，牛舌烤得岩岩好，肉质都算嫩而且口感厚实吞拿鱼蓉手卷食左咁多热食，紧系要食番啲饭中和下喇，吞拿鱼蓉都几多下，又唔会腥。烤鸡翼呢度嘅小食仲可以唔提下呢个烤鸡翼，烤鸡翼放入口够惹味，都可以令呢个放题更多样化。估唔到兆万都唔错嘅放题，下次再食放题都会推荐朋友黎呢到。