影片
更多
2022-08-04
1500 浏览
讲起「花园街」，可能好多人谂起有好多小贩档，好平民，有好多平嘢卖，其实，如果熟太子嘅话，就知隔住「太子道西」另一边嘅「花园街」，就静好多，仲有好多车房，夜晚嚟更显的宁静。今晚，老婆有聚会，一支公嚟到「赏岛咖啡屋」叹吓「一个人的咖啡」，原来间店新开无耐，先睹为快。 湖水绿嘅门面，吊咗少少盆栽，放咗张小木櫈，完全有晒文青元素。 窄窄嘅门面，其实入到去铺形都喺窄长，不过，个铺位都几深吓。近门口喺水吧，一切咖啡及各类饮品都喺呢度制作；而再入啲，就会见到开放式厨房。由于是夜客人唔多，感觉宁静舒服。 一室以白色为主调，配以柔和嘅灯光，部份餐枱以云石为材料，但我就喜欢木餐枱多啲喇。 作为咖啡店，总会有啲跟咖啡相关嘅摆设，例如大门嘅门柄，枱上嘅咖啡豆，感觉都几得意。 晚市嘅餐牌主要得一个散点餐牌，无套餐嘅配搭。面页喺各类食物，如面条、主菜、沙律、牛角包及小食……等等，而下页喺各式饮品同甜点。温馨提一提，凡正价选购咖啡一杯，都可以以半价加购一件蛋糕。 青酱带子螺丝粉 $128 小弟就拣咗一客螺丝粉，因为都好云无食青酱呢一款口味。睇卖相，都几青吓，感觉都几对办，份量又几足。先试粒带子，食得出新鲜货色，有鲜
湖水绿嘅门面，吊咗少少盆栽，放咗张小木櫈，完全有晒文青元素。
窄窄嘅门面，其实入到去铺形都喺窄长，不过，个铺位都几深吓。近门口喺水吧，一切咖啡及各类饮品都喺呢度制作；而再入啲，就会见到开放式厨房。由于是夜客人唔多，感觉宁静舒服。
一室以白色为主调，配以柔和嘅灯光，部份餐枱以云石为材料，但我就喜欢木餐枱多啲喇。
作为咖啡店，总会有啲跟咖啡相关嘅摆设，例如大门嘅门柄，枱上嘅咖啡豆，感觉都几得意。
晚市嘅餐牌主要得一个散点餐牌，无套餐嘅配搭。面页喺各类食物，如面条、主菜、沙律、牛角包及小食……等等，而下页喺各式饮品同甜点。温馨提一提，凡正价选购咖啡一杯，都可以以半价加购一件蛋糕。
青酱带子螺丝粉 $128 小弟就拣咗一客螺丝粉，因为都好云无食青酱呢一款口味。睇卖相，都几青吓，感觉都几对办，份量又几足。先试粒带子，食得出新鲜货色，有鲜甜味，口感爽弹；再试试啲粉，煮得咬口，每炷粉都挂满酱汁，粉内又混了好多本菇，不过，啲青酱无以往遇过嘅咁重罗勒味，事后跟店员沟通，先知师傅加入菠菜汁，去平衡一下，迁就番少少港人口味。反而，小弟几欣赏部份细节位，例如加咗啲合桃碎、杏仁片嚟增加啲口感，撒咗啲辣粉嚟提一提味，感觉喺唔同啲。
鲜奶咖啡 $42 叫得咖啡屋，就无乜理由饮啲非咖啡饮品，加上小弟确喺几钟意饮鲜奶咖啡，又打算配一客甜品，就当然喺嗌番咖啡啦。咖啡师喺位年纪轻轻嘅妹妹仔，冲泡得唔错，至少个拉花都几靓仔，线纹算细致，天鹅亦拉得工整。饮落喺点呢？咖啡本身好醇厚，沉实带果仁香，完全无搅过之下，每一口口感都好均匀，喺饮到最底时会差咗啲啲，个人觉得撞奶泡时未够深。
意大利芝士蛋糕 $48本来就想试其招牌芝士蛋糕，不过，已售罄，不过，意大利芝士蛋糕我都啱，点咗咖啡仲有半价优惠添。半价咗，都无话「求其」制作，唔单止大大件蛋糕，仲洒咗啲糖霜，并以鲜蓝莓、红莓干、合桃碎做啲装饰，卖相立时唔同晒。海绵蛋糕浸透咖啡，湿润绵密，当然，如果喺加入白兰地或冧酒嘅传统酒精版本就更合小弟口味，但无酒版本就大众化多啲；而中间嘅马卡风芝士层做得轻柔而挺身，口感软滑渗出微微芝士香，加上浓郁嘅唂咕粉表层，算喺一道有诚意嘅出品。
临走时，店员都介绍埋佢哋嘅午餐，所以，都影埋出嚟俾大家参考。
虽然今晚做咗一晚孤独的美食家，不过，食到好嘢就唔孤独，可以写吓食吓评同大家分享，又可以介绍俾朋友有啲出色小店，希望小店继续努力不断，做出有目共「岛」嘅成绩。
张贴
