影片
更多
2018-11-29
40 浏览
天气转凉，最岩就系打边炉！但系我fd又怕热气，两个人又唔叫得d咩，所以我就提议去食麻辣串串同火锅粉。上次经过见呢间野门面好新又好sharp个名又得意, 已经谂定下次就试佢，今日冻冻地就岩哂。入到去真系好新净同埋最紧要又好干净，再加埋佢有d贴心位，佢有个篮俾你放杂物，唔洗惊多人果时个袋唔知放边，再加埋有个即用即弃口水肩，岩哂我呢d成日俾人话漏口既人，哈哈，同埋你知啦，应该个个人都有经验知道d麻辣冲弹到系衫系好难洗得甩。再加埋一坐低，店员即刻介绍有咩好食同点叫就最岩。真系要俾十个like佢！其实香港唔系好多餐厅可以食呢d成都麻辣串，所以我地今次就拣左30串$128加一个火锅粉$38 share! 先食佢d串，佢个名真系改得好，佢d串串真系唔好睇少，真系辣到爆汗，成餐食到雪雪声。最推介魔芋，豆干同牛肉。前两个吸收哂d味无得讲，牛肉唔会um, 听店员介绍系牛扒切出黎。但系因为我本身唔系好食得辣，食到半路忍唔住问店员边样最解辣，佢推介左个冰粉，呢个我系大陆就听得多，食就真系第一次。叫完佢劲快已经上到，唔知系咪知我唔等得haha。食完一旧又真系即时见效，解左劲多，仲要个味好味！佢系有d酒糟山渣饼同
其实香港唔系好多餐厅可以食呢d成都麻辣串，所以我地今次就拣左30串$128加一个火锅粉$38 share!
先食佢d串，佢个名真系改得好，佢d串串真系唔好睇少，真系辣到爆汗，成餐食到雪雪声。
最推介魔芋，豆干同牛肉。前两个吸收哂d味无得讲，牛肉唔会um, 听店员介绍系牛扒切出黎。但系因为我本身唔系好食得辣，食到半路忍唔住问店员边样最解辣，佢推介左个冰粉，呢个我系大陆就听得多，食就真系第一次。叫完佢劲快已经上到，唔知系咪知我唔等得haha。食完一旧又真系即时见效，解左劲多，仲要个味好味！佢系有d酒糟山渣饼同提子干系入面，就算唔系因为要解辣，我觉得呢个粉都系必嗌！
解完辣又可以继续食，再食左个酸菜猪肚粉转红薯粉，见个价钱唔贵谂住份量唔会多，黎到惊喜份量绝对唔少，两个女仔食d串串再share呢个粉系足够既。呢个都唔错，叫左猪骨底，再配埋d串串既辣系岩岩好。
见隔离枱叫左卤猪手用个砵仔上好吸睛，下次黎食一定要试呢个。
张贴
