影片
更多
2014-08-16
3017 浏览
听人讲呢间几好食,于是提前一星期BOOK左.六点钟到左餐厅,招呼不错. 杯绿茶几浓味,咁多间放题中算好.坐底一阵,首先有送既鲍鱼同牡丹虾.牡丹虾好大只,鲍鱼都几清甜. 不错不错点左两个沙律, 分别系吞拿鱼牛油果沙律同埋三文鱼蟹肉, 作为头盘, 分量适中之后就系主角 刺身出场啦~~好大好靓满满既一盘! 虽然有几款刺身系冇order 过, 但系见到大大只生虾同鬼拿咁大粒帆立贝, 都冇咩好complain. 不过建议大家去食既时候同职员讲清楚先啦~清酒煮蚬, 辣酒东风螺, 牛油粟米, 军舰等等上台.辣酒东风螺, 牛油粟米 还好, 但系清酒煮蚬真系一般,蚬冇味多沙, 不过呢啲都系小食, 唔打紧我地点左海胆军舰, 甜虾蟹膏军舰, 帆立贝蟹膏军舰同辣味三文鱼, 蟹膏都好香好野味, 紫菜脆口,海胆大大旧,味道偏淡, 但军舰都普遍唔错 之后就系恶梦既开始, 先系串烧同其他烧物, 好似鸡翼鸡软骨牛仔骨猪颈肉牛柳粒金菇牛柳等等.哗, 不得了, 全部都太老, 太硬, 冇味道. 老婆食唔惯咁硬既野, 搞到全部都系我顶哂. 阴公, 好似食柴皮咁! 公道啲讲, 其实佢既食材系冇问题既, 但系烧到过哂火啰, 浪费食
六点钟到左餐厅,招呼不错.
杯绿茶几浓味,咁多间放题中算好.
坐底一阵,首先有送既鲍鱼同牡丹虾.牡丹虾好大只,鲍鱼都几清甜. 不错不错
点左两个沙律, 分别系吞拿鱼牛油果沙律同埋三文鱼蟹肉, 作为头盘, 分量适中之后就系主角 刺身出场啦~~好大好靓满满既一盘! 虽然有几款刺身系冇order 过, 但系见到大大只生虾同鬼拿咁大粒帆立贝, 都冇咩好complain. 不过建议大家去食既时候同职员讲清楚先啦~
清酒煮蚬, 辣酒东风螺, 牛油粟米, 军舰等等上台.辣酒东风螺, 牛油粟米 还好, 但系清酒煮蚬真系一般,蚬冇味多沙, 不过呢啲都系小食, 唔打紧
我地点左海胆军舰, 甜虾蟹膏军舰, 帆立贝蟹膏军舰同辣味三文鱼, 蟹膏都好香好野味, 紫菜脆口,海胆大大旧,味道偏淡, 但军舰都普遍唔错
之后就系恶梦既开始, 先系串烧同其他烧物, 好似鸡翼鸡软骨牛仔骨猪颈肉牛柳粒金菇牛柳等等.
哗, 不得了, 全部都太老, 太硬, 冇味道. 老婆食唔惯咁硬既野, 搞到全部都系我顶哂. 阴公, 好似食柴皮咁! 公道啲讲, 其实佢既食材系冇问题既, 但系烧到过哂火啰, 浪费食物...唯一系烧翠玉瓜比较多汁正当我地大战柴皮之际, 白汁焗蚝上台啦, 心谂呢个都好难难食啦,,,点知,我错啦, 不论只蚝本身,同埋啲汁都完全冇味道可言
适逢隔离两张大枱坐满左一家几十口既大家族,帮一个几岁大既细路庆祝生日. 场面何其壮观, 耳膜何其咁震荡...其实我地都好明白呢啲野店家系控制唔到既, 但系呢个似终关乎食店环境质素, 都要略带一提.
此后, 都冇咩心机食, 天妇罗对于我黎讲还可以, 炸得尚算松脆, 但系对于奄尖既老婆黎讲, 佢就觉得皮太厚.
其他炸物都真系一般, 最奇怪之处就系紫芋栗子饼竟然淋千岛医0系上面?!
呢个时候, 我唔可以再向肉类方面进发, 要行蔬菜路线, 于是叫左一个寿喜烧, 满满既蔬菜同两片肥牛塞满左个煲仔, 仲有即场点火既燃料整热个寿喜烧,食左佢应该可以排清毒素身体好...
但系睇住个钟, 由七点四十分开始点火, 过左十分钟, 个煲冇热左既述象, 之后个火仲熄埋, 于是叫人再加燃料点火, 重头黎过...但系呢个步骤重覆左至少三次, 到左八点二十分,,,0个两片肥牛仍然系生既...期间等得唔耐烦啦...就order最期待既雪糕同其他甜品...之后又系一轮等待...终于0系八点几...有经理埋黎结帐, 仲无端端同我地讲:"今日个雪糕柜坏左, 入面啲雪糕溶哂,咩雪糕都冇, 我地都系五点既时候先知道"(意即我地两公婆期待左两个钟既柚子雪糕同H记雪糕都唔会出现, 何其凄惨) 之后经理仲话:" 凭呢张卷, 下次再黎食就可以额外攞多两个H记雪糕..."
当下我地两个眼都突埋:"吓?!" 点解我地六点入场既时候唔话俾我地知冇雪糕食?? 点解又会expect我地下次一定会再黎帮衬? 点解明明今次有得食既野, 要下次再俾多次钱先可以享用?! 咩logic?? 真系不知所谓!!
冇雪糕食冇雪糕食...醒起仲有其他唔系雪糕既甜品...但系已经系好耐之前落单,仍未见纵影, 催完waitress姐姐之后,立刻攞黎...牛奶布甸泡芙呢啲都OK...谂住再order...结果俾waitress 姐姐冷冷地一口拒绝:"截左单!"
一啲先兆都冇...冇人同我地讲过几点截, 亦都冇人提过我地last order, 咁就截左??!?! 讲真, 我地两公婆食唔少放题, 平到贵既都有, 但系未见过一间系咁离奇既日式放题...一开头既刺身真系冇得弹, 但系虎头蛇尾, 之后冇一样系正常/好食...
ps 由七点四十分反反覆覆煲左至少四十五分钟既寿喜烧都系未滚过, 金菇同肥牛仍然系唔熟...最后就放弃左. 我地都好唔想浪费食物, 但无奈...
张贴
