coffeeflow (已結業)

星期一下午少人啲，值得攞半日假去hea下cafe , 闹市中嘅恬静原来都唔系好难，美孚站行过去都只不过系10mins , 实在方便。入埸嘅先系博物馆，系历史级嘅建筑，再上楼梯系cafe 同旅馆，位于半山四周有树木包围相当写意。台唔系划一，有bar 台，有特色飞机台，我地就坐就普通简单嘅餐台，几乎每张台都有金句，例如：先处理心情再处理事情。自己出去点餐同取餐，只收转数快同现金。龙虾包沙律卖相好文青，加咗沙律酱嘅龙虾当然无乜鲜味，包亦无烘过。露笋意粉意粉有啲黐住一旧，不过笋好新鲜。牛角包沙律还可以啦, 牛角包要好食其实好难，要有层次，又要够牛油香。牛油果啱啱熟，几好👍像极了爱情其实即系玫瑰latte, 只有冻饮，自己加咖啡上去嘅。今日冻柜有三款cake, 我地三款都要晒，分别系 blue berry cheese cake , tiramisu 同冬甩，主要系食开心，唔系食味道。