阿爺八鮮鍋 (已結業)

阿爺真係好大個招牌，遠遠都望到，入到去阿爺店內新裝修左，新嘅menu，見到佢嘅大魚缸內嘅海鮮都新鮮。坐低就等食先黎一個酸辣雞煲，我揀微辣。好香嘅雞煲，芫荽蔥和紅葱頭最野味，有半隻雞，雞件夠味肉質滑。跟住黎一壺東瓜元貝燉湯古色古香嘅壺，用兩隻小杯👉裝湯，幾有詩意，燉湯夠濃，啱晒鐘意飲湯嘅我。一碟三色炸物，有蕃薯、青椒、鮮菇。蘋果豬展湯火鍋湯底好滋潤清甜嘅湯底，就咁飲都好飲，放埋海鮮盒火鍋料重正。火鍋盒包括:扇貝、鮑魚、蟹、蝦、聖子、龍蝦。新鮮嘅海鮮，又其喺兩個鮑魚，重係會舞動架。跟住散叫左幾款食材白鱔、牛骨髄、鮮滑牛肉片黃沙潤、蝦滑、象拔蚌片冬瓜、蘿蔔。滾完之後再飲埋啖湯更好味。