Pound & Roll (已結業)

星期五晚去边都咁多人，是是但但揾左间比较快机会食到嘅餐厅，呢间主要都系食西餐，但店内装潢好光猛，灯光非常足够。得知Pound & Roll系一间注重健康嘅餐厅所以用上嘅食材品质都唔错。但食物方便只能用正正常常、不过不失黎形容，而价位则偏贵，可能系因为食材本身高品质。🔷XO酱．天然鸡肉．油炸鬼．大蘑菇宽条面 💰118 💙55/100见呢款几特别，因为用左油炸鬼，以为佢系大大嚿，点知原来系切到薄薄而且只有好小好小，咬落系脆而硬。鸡肉天唔天然唔清楚，但就食到嘅肉都偏小。主要以XO酱带出味道，感觉似XO酱捞个面咁，面质系ok的。🔷Roll Rib Eye 💰298 💙50/100呢块扒相对失望，接近300元叫左7成熟，但煎到9成咁，非常熟，真系熟过我阿婆。所以导致个牛扒咬落好干好干，差小小变左牛肉干，感觉浪费左块Rib Eye。🔷香煎鲈鱼伴白酒忌廉汁 💰168 💙65/1003款菜式黎讲呢一道应该系最OK，鲈鱼好滑而且好完整。忌廉汁配埋伴碟嘅薯蓉食好夹。