影片
更多
2022-01-18
809 浏览
睇完大量好评，满心期待咁同朋友嚟午市。招呼我地嘅中年哥哥几热情友善，一入餐厅亦见到满墙艺术装饰别具特色 💛 我哋坐嘅餐枱后面成幅墙都摆满红酒，感觉会系唔错嘅相片背景。Menu系前一晚餐厅已经WhatsApp左比我，玩法大致就系set lunch 包前菜，餐汤，主菜，甜品同餐饮。价钱主要取决于主菜，另外都睇会唔会加钱upgrade 前菜/甜品/饮品或者加唔加小食/配菜。嚟得一个半fine-dining 价位嘅餐厅就对服务质素有返咁上下期望，点知就系失望嘅开端… 🤭💔我upgrade 左green salad 去蕃茄水牛芝士(+$55) (❌不建议咁做，详情睇下面)，主菜叫咗warm aged beef cheek ($260)。朋友想叫short rib ($360)，好戏就来了🥲 姨姨服务生建议朋友叫八成熟，朋友有点不可思议咁话从来未食过咁熟的short rib，姨姨就话: “我地呢度一定系咁熟架㖞 如果你食唔到八成熟 咁真系唔好叫呢个short rib 啰!” 我地两个都O左嘴。未听过服务生咁冇礼貌又自以为是，而且我地自问都客气同佢讲野… 好彩朋友EQ高，played along 话
Menu系前一晚餐厅已经WhatsApp左比我，玩法大致就系set lunch 包前菜，餐汤，主菜，甜品同餐饮。价钱主要取决于主菜，另外都睇会唔会加钱upgrade 前菜/甜品/饮品或者加唔加小食/配菜。嚟得一个半fine-dining 价位嘅餐厅就对服务质素有返咁上下期望，点知就系失望嘅开端… 🤭💔
我upgrade 左green salad 去蕃茄水牛芝士(+$55) (❌不建议咁做，详情睇下面)，主菜叫咗warm aged beef cheek ($260)。朋友想叫short rib ($360)，好戏就来了🥲 姨姨服务生建议朋友叫八成熟，朋友有点不可思议咁话从来未食过咁熟的short rib，姨姨就话: “我地呢度一定系咁熟架㖞 如果你食唔到八成熟 咁真系唔好叫呢个short rib 啰!” 我地两个都O左嘴。未听过服务生咁冇礼貌又自以为是，而且我地自问都客气同佢讲野… 好彩朋友EQ高，played along 话咁就试下啦！佢另加左个side dish - grilled veg ($35)(❌不建议咁做，详情睇下面)。
甜品可以拣”是日精选”或加钱选择其他甜品。我地经历过佢啱啱的霸气回答，今次110%战战兢兢毕恭毕敬咁，问佢当日嘅”是日精选”系咩。佢回应: “我唔知厨房今日整咩㖞！要出到嚟先知架㖞！” 我同朋友对望一眼，冇讲d乜但真系又一次O嘴… 谭仔姐姐都亲切十倍，而且食物平二十倍 🥲🥲🥲 佢落完单就头也不回走开了，算数 - 我地都冇再expect佢重覆我地嘅orders。
Appetizers 同汤和面包正正常常。上面提到‼️绝不建议好似我咁upgrade 沙律去蕃茄水牛芝士: 只见碟上得一小半位置被沙律/芝士/蕃茄占据，另有一大半空间，令人有错觉以为个碟未准备好上桌 - 应该系我大乡里，对plating 呢d野识条铁咩 🧐 (图中冇完全入镜sorry 下次会影好d - 如果有下次嘅话)。
主菜方面，先讲好的: 我个牛面颊表面由于经过熟成处理，所以有少少焦脆，里面的肉保持软腍湿润，有肉汁而且有d胶质感觉，一口咬落好有层次感，调味亦适中，唔沾mustard都好好味 😋 Mustard 份量可以再多d，我地有问佢再要。
朋友的short rib就真系令人大开眼界 :0) 如图所见，所谓嘅另加嘅grilled veg 系正常配菜expected嘅份量，绝对唔可以话佢自己系一个side dish。而呢个份量亦都发人深省，令人思考如果冇加到菜，咁系咪就会一个大碟+一条骨就算 🧐 我𠮶个牛面颊好彩都仲有啲薯蓉 :0) 朋友话八成熟嘅肉好韧，要咬好耐。我自己冇试过，不作评论，大家有兴趣可以试下 🤣
争啲唔记得讲 - 上我哋主菜嘅时候，姨姨服务生又出击: 粒声唔出将一樽盐摆喺我哋枱面，转身180度就走，一声”慢用”都冇讲。讲真以呢个价位，我reasonably expect 更好嘅服务。
饮品我叫咗latte，朋友叫英式红茶。要注意‼️”英式红茶”嘅意思唔系佢有一系列茶叶选择，而系得一种 (好似系 earl grey, i forgot) 🤡 见到我哋饮品嘅时候又一次(亦都系最后一次)跌到一地眼镜碎: 我个latte细杯同冇拉花都算了，d milk foam 厚到我以为自己饮紧cappuccino 🤧 朋友个英式红茶我地以为会用茶壶装住茶叶，另外比个小茶杯倒d茶出嚟。理想同现实总系有好大差距: 啲茶就咁用普通日式食肆果种黑色胶杯装住。Ok 嘅… 如果喺寿司郎见到就冇乜违和感。都系果句啦，呢个价钱嘅话，presentation真系有改善空间。
神秘嘅”是日精选”好彩不过不失，系士多啤梨蓝莓配芝士蛋糕。冇特别评语，就只系想像中嘅味道。
失望。颜色只系光环。回头率应该系0。
11 浏览
0 赞好
0 留言
10 浏览
0 赞好
0 留言
24 浏览
0 赞好
0 留言
28 浏览
1 赞好
0 留言
20 浏览
0 赞好
0 留言
22 浏览
1 赞好
0 留言
张贴
