百樂潮州酒樓 (希慎道) (已結業)

铜锣湾百乐门开业已经有几廿年，地点依旧，根据老爷话早卅几年前系相当出名及高档既食店，唔识潮洲话系唔会招呼你的(呢点有待考究)，今晚同老爷老妈旧地重食，我都系第一次黎食入到黎人头涌涌，爆棚！还顾四周不乏绅士淑女，果然够哂魅力，坐低左之后侍应先奉上一盆功夫茶，呢杯茶相当之香相当之好饮，我亦都冒著训唔著既危险多饮几杯，则跟既小食亦都相当美味，尤其系豆卜菜甫那味，食到唔停得口先黎一碟鹅片，鹅肉相当之腍，够哂入味而且起哂骨，细细咀嚼佢地卤水汁既味道有别于其他食肆，不是太咸，花椒八角既味道比较重，底层舖上滑滑既炸豆腐。𧐢仔饼，厚薄适中没有加多余既粉浆，𧐢仔鲜甜也够份量，煎得香香的，加上莞茜独特既香味，相当美味。至于呢味爆鸡球就比较逊色，鸡球没有味道，味道很淡，则跟的炸紫苏叶也是没有味道，整碟𩠌是没有味道的。沙爹牛肉抄河，必食！沙爹味浓，河粉抄得很腍而且索哂沙爹汁，除了牛肉底面还有抄蛋，抄蛋配上沙爹既味道原来系咁好食架㖞最后甜品芋泥，份量十足够哂甜，但食落味道我觉得似莲蓉多过芋头。很饱了，只食了一半。