壽喜燒 伊勢熊

营业中

休息中

星期日午餐四人试呢间sukiyaki 。被安排坐bar 枱,好似好正。但好失望。一坐低,侍应急忙送上每人一份前菜给调味料。还未食完蒸蛋,女厨师已经将第一件牛肉送上。煮得好生,好彩我唔介意。同行朋友有D部分太红就食唔到。厨师继续烹调蔬菜同第二件牛肉,好似好赶收工。我个人食过几间本地sukiyaki店。从来冇咁赶住食。1：15pm 坐低。14:00已埋单。仲快过工作日嘅午餐。讲紧系一个价值$480+10%嘅午餐。食物质素系ok既。牛肉系好滑但个人喜爱有D焦香。湾仔果间就会好贴心问你既喜好。可能厨师系日籍,语言有障碍。要重点讲最吾掂系白饭。又林,又黐埋一嚿嚿。我未系日本餐厅食过咁差嘅出品。唔知道主厨有冇自己试过味。如果咁嘅质感都可以俾客人食,我会觉得唔似系日本人嘅风范。虽然呢度整体系平过香港岛两间sukiyaki,但食物质素同服务实在系差太远。