榮哥煮場 (已結業)

第一次试旺角闹市中心的荣哥煮场，平日夜晚唔洗等位 门邪唔算好大，大约有1x张枱。入去嗌左个招牌二人套餐$278，除左自选嘅鸡煲外，仲有小食x1, 小菜x1, 面饭x2。价钱合理，野食亦好足料当晚坐低嗌左浓汤花胶鸡煲二人套餐，唔算好大兜，但2人份量绝对足够。汤底十分清甜，唔油腻，绝对唔系浓汤宝嘅味😂花胶亦好多块，食极都有～鸡块都系啖啖肉😋好有鸡味，鸡肉好嫰滑，juicy! 仲全程有个炉热住，唔会冻左有层油系表面～好味！套餐小食系无得拣嘅，当晚落完单就即刻上左呢碟云耳，酸酸地几开胃，无乜特别～小菜有好多款选择，当晚拣左胡椒双肚，即系猪肚&鱼肚。胡椒味岩岩好，猪肚唔臭唔腥，鱼肚够爽口。份量好足，d猪肚鱼肚劲多，2个人都食唔晒😂😂整体黎讲好食！最后加左$12 转一个饭+一个乌冬，有好多combination，跟2个饭的话就唔需要补钱。虽然系普通乌冬，但都系用汤底煮好出黎，有少少云耳配菜，好过就咁俾一饼面出黎😃😃Overall💭：最后嗌埋野饮，total $300，系唔洗加一的，份量好足，其实3个人食都够～好味，值得一试