慢煮工業 (已結業)

旺嘅地方胜在交通方便，但系有时行入少少，又会有意外惊喜今日我哋相约在太子，由我呢个识途老马带路，好好享用一顿晚餐。呢间餐厅长期旺场，今次到楼上， 有另一番格局，工业风之余又有点小清新☘呢度唔使加一，记住自己枱号然后去收银处落单畀钱，食物有侍应送上。其实唔使加一，真系悭返唔少。朋友钟意食羊，先叫咗法式羊架，$98， 有三支，表面金黄色，切开仍是粉红色的，冇血水，小小羊膻味，皮带有脂肪的甘香，朋友非常满意美国安格斯牛扒$108，有成八安士，跟羊架一样，因为是慢煮，唔需要拣几成熟，表面微微焦香，但系切出嚟都系粉红色，冇血水，好嫩好香 浓牛味，还有牛扒上面有只细细只煎鹌鹑蛋，好搞笑朋友见餐牌有一款叫做牛油卡真虾包 $68，即管试一试。上到嚟真系吓一跳，以为细细个包，点知好大个，用上排包，微微焗过，里面有虾，重点系佢个卡真酱，因为由红椒粉，大蒜粉，洋葱粉，黑胡椒，小茴香，卡宴红椒粉，奥勒冈，百里香造成，所以香浓又不会太辣，有惊喜呀满蚬肉蝴蝶粉 $88，份量十足蚬肉好多，蝴蝶粉软硬适中，好惹味呢度有好多酒类选择，不过唔饮酒的我们，只选了冻mocha和汽水，也很合我们心意。轻轻松松，共聚了一晚。