影片
更多
2011-08-23
378 浏览
上次帮衬完后，经常心思思想再黎试多几样唔同既菜，今晚终于有机会喇。内笼装修简约中亦不失豪华，有点北京味道。坐位不多，有五六张卡位、三四张大圆枱，四五张细方枱，密度还可接受，都算坐得舒服。换左新 menu 㖞，多左好多好多新菜式吓，真系试极都试唔完。腌青瓜、干豆腐、花生、贡菜、毛豆，酸酸甜甜既前菜，好开胃，好味道。等屋企人等左三十分钟，火都黎，成碟食晒转眼比我一个人食晒。蚝皇花菇辽参扣鹅掌，好正既辽参，嫰滑弹牙，如果食得唔小心，真系弹到成枱、成身都系汁呀，因为一路咬，佢一路弹唔停。薄薄高档辽参炆得入味，唔会似平价猪婆参淡口大旧似番𫑷。辽参又非常有食疗功效，能降坏胆固醇、降三酸甘油脂及提升好胆固醇的功效，等等。靓花菇超香浓菇味，又爽口，好食好食。鹅掌炆得入味又够腍，放入口用力一啜、条脷只需打两三个圈已可以将所有骨退出喇。垫底仲有大量鲜嫰爽口充满水份既生菜，捞埋所有将汁既精华同吃，好好味 ﹗竹笙海皇翅，除竹笙外还有虾肉、带子、蟹肉，有约五小碗。颜色通透吸引，味道超鲜甜，高汤底美味无穷，再夹杂住香浓海鲜跟鱼翅海味既味道，就自己一个饮晒成窝都厌唔够喉呀 ﹗必食 ﹗无钖灌汤小笼包，始终北京既小笼包
腌青瓜、干豆腐、花生、贡菜、毛豆，酸酸甜甜既前菜，好开胃，好味道。等屋企人等左三十分钟，火都黎，成碟食晒转眼比我一个人食晒。
蚝皇花菇辽参扣鹅掌，好正既辽参，嫰滑弹牙，如果食得唔小心，真系弹到成枱、成身都系汁呀，因为一路咬，佢一路弹唔停。薄薄高档辽参炆得入味，唔会似平价猪婆参淡口大旧似番𫑷。辽参又非常有食疗功效，能降坏胆固醇、降三酸甘油脂及提升好胆固醇的功效，等等。靓花菇超香浓菇味，又爽口，好食好食。鹅掌炆得入味又够腍，放入口用力一啜、条脷只需打两三个圈已可以将所有骨退出喇。垫底仲有大量鲜嫰爽口充满水份既生菜，捞埋所有将汁既精华同吃，好好味 ﹗
竹笙海皇翅，除竹笙外还有虾肉、带子、蟹肉，有约五小碗。颜色通透吸引，味道超鲜甜，高汤底美味无穷，再夹杂住香浓海鲜跟鱼翅海味既味道，就自己一个饮晒成窝都厌唔够喉呀 ﹗必食 ﹗
无钖灌汤小笼包，始终北京既小笼包既皮系厚一点，并不会跟上海一样薄到半透明，连里面既汤同猪肉都见得到。无论边个地方既小笼包都要即蒸，一放上枱就要趁热即食，否则就会变形变硬变干架喇。除左外皮厚啲、汤汁少啲外，味道、口感、香气、猪肉都好满意，好食。
杭州鸡，无试过，所以好奇 order 试试，食后感系无下次。酱油杭州炆鸡，炆鸡时间长，肉质变干变鞋，腍劈劈，口感松散，无嫰滑既质地。浓郁既酱油味，如果变成鸡丝捞饭我谂唔错。整个送食落系十足十糯米鸡既味道，一模一样。
北京填鸭，主角出场。我较为喜欢传统片皮鸭做法，只片层皮，啲肉会留作煮另一菜式。依家连肉一齐起片，真系有点滞有点腻，而且鸭肉质地始终略鞋稍干，跟酱汁薄饼皮卷好后，好影响整体味道同口感。依度既鸭酱偏咸，买回来后无再加工，做法大多加水加糖加蒜蓉去调味。考虑各细节后，对依味菜既评价为免强合格，其实可以做得更好。
张贴
