富港酒家

营业中

休息中

老人家都系钟情于中餐，听闻呢间酒楼晚市有$88惊喜优惠，五人同行可拣两样𩠌，仲要免茶芥，价钱相当吸引屋邨酒楼嚟讲环境算唔错，地方宽敞干净，好适合一家大细嚟食，印象加分游水沙巴龙趸（一条）（$88）条沙巴龙趸好大条，难得又蒸到恰到好处，而且肉质厚实嫩滑，简单用甜豉油同香葱作配衬，已经突显到鱼嘅鲜味，绝对系送饭嘅不二之选脆皮烧鸡（一只）（$88）色泽金黄，皮薄香脆，鸡肉鲜嫩脂肪少，肉汁丰富，口感同味道都好有层次，属高水准菜式，钟意食炸子鸡嘅朋友一定要试菠萝咕噜肉（$75）卖相诱人，酸甜适中，配菜有菠萝、红椒同洋葱，果香味浓郁，咕噜肉炸得外脆内软，开胃得嚟又唔会太肥腻，一人一个白饭，饱晒！